营造书香社会 共建和谐甘孜
ཚེ་དབང་རྡོ་རྗེ། དཔལ་ཡུལ་རྫོང་རྒྱང་བསྒྲགས་བརྙན་ཁང་གི་མདོ་འཛིན་པ་དང་ཡིག་སྒྱུར་བ།
泽旺多吉 白玉县电视台主持人兼汉藏翻译工作
༄༅།། ང་དང་ངའི་ཕ་ཡུལ།
༄༅།། ང་དང་ངའི་ཕ་ཡུལ།
གྱེར་འདོན་བ། ཚེ་དབང་རྡོ་རྗེ།
སྲིད་པའི་ཁམས་སུ་སླེབས་པ་ནས་བཟུང་།
ང་རང་ཁྱེད་དང་འབྲེལ་ནས་ཡོད།
ངའི་ཆེས་ཐོག་མའི་པང་ཁུག་ཁྱེད་ཡིན།
ཆེས་ཐོག་མའི་ངུ་སྐད་གྲགས་ས་ཡང་ཁྱེད་ཡིན།
ཕ་ཡུལ་ལགས།
ངའི་སེམས་དབུས་ཀྱི་ཕྱི་གསལ་ནང་གསལ་གྱི་མུ་ཏིག་རྡོག་གཅིག
ང་རང་ནར་སོན་པའི་བརྒྱུད་རིམ་ཁྲོད།
ཁྱེད་ནི་ངའི་ཆེས་དྭངས་གཙང་གི་བྱིས་དུས་རོལ་མྱོང་བྱེད་ས་དང་།
ཆེས་བརྗེད་དཀའ་བའི་རྩེད་ར་སྤུངས་ས་དེའང་ཁྱེད་ཡིན།
ཕ་ཡུལ་ལགས།
ངའི་སེམས་གཏིང་གི་ཕྱིར་དྲན་ཀློང་གི་ཕ་ས་སྣུམ་པོ།
རྒྱུས་མེད་མི་ཡུལ་ལ་འགྲིམས་པ་ནས་བཟུང་།
ཁྱེད་ཀྱིས་བདག་ལ་དྲན་གདུང་གི་བྲོ་བ་དེ་ཤེས་སུ་བཅུག་པ་དང་།
ཁྱེད་ཀྱི་ཡོད་ཚད་ནི་ངའི་ཡོད་ཚད་དེ།
ཁྱེད་ནི་ངའི་ཆེས་བརྩེ་བའི་ཞིང་ས་གྲུ་བཞི་དེའོ།
ཕ་ཡུལ་ལགས།
ངའི་རྟག་བརྟན་དང་རེ་འདུན་ལ་སྤྲུལ་བའི་དྲན་ཤིང་ཉག་གཅིག
གལ་ཏེ།ང་རང་ཤི་སོང་ན།
ངའི་བེམ་པོ་ཁྱེད་ཀྱི་སྤང་གཤོངས་ལ་འཐིམ་དགོས།
ང་རང་གཏན་དུ་ཁྱེད་དང་འདྲེས་དགོས།
དེ་ནས་ཁྱེད་ཀྱིས་ངའི་ཡོད་ཚད་རྟོགས་སྲིད་ལ་ངས་ཀྱང་ཁྱེད་ཀྱི་ཡོད་
ཚད་ལ་མྱོང་ཆོག་ངེས་རེད།
ཨོ། ཤེས་སོང་ཕ་ཡུལ་ལགས།
ངས་འདས་མ་ད་གསུམ་ལ་གླེང་བཞིན་པ་ནི་ཁྱེད་ཡིན་ལ།
ངའི་འདས་མ་ད་གསུམ་ལ་འབྲེལ་ཡོད་པའང་ཁྱེད་ཁོ་ནའོ།
ཕ་ཡུལ་ལགས། དཔལ་ཡུལ།
ངའི་སེམས་ནང་གི་འགྱུར་མེད་ཀྱི་ཕ་ས།
བརྗེད་མེད་ཀྱི་ཕ་ཡུལ།
播音：泽旺多吉
编审：邓珠 、曲扎
责编：洛绒志玛
