ཁྱེད་ཉིད་བྱོན་པ་ལེགས།
欢迎您的关注
གཟིགས་་་་
ཁམས་པའི་དཔལ་ཡོན།
དྭངས་གཙང་གི་དཀར་མཛེས།
བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་མཇུག་སྒྲིལ་བ་དང་དཀར་མཛེས་ཁུལ་རྒྱང་བསྒྲགས་བརྙན་འཕྲིན་ཁང་གིས་བྱ་དགའ་བཟང་པོ་རག་འདུག
བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་ཁྲི་ཀ་ནས་མཇུག་སྒྲིལ།
མཚོ་ལྷོ་ཁུལ་དུ་བསྡུས་པའི་རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་པ་དེ་ཟླ8པའི་ཚེས6ཉིན་གྱི་ཕྱི་དྲོར་རྨ་ཡུལ་ཁྲི་ཀ་ནས་མཇུག་སྒྲིལ།
རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་པ་ནི་མཚོ་ལྷོ་ཚགས་པར་ཁང་དང་། མཚོ་ལྷོ་ཁུལ་རྒྱང་བསྒྲགས་བརྙན་འཕྲིན་ཁང་། མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས། མཚོ་ལྷོ་ཁུལ་མི་རིགས་སྐད་ཡིག་བྱ་བའི་ལྟེ་གནས་བཅས་ལས་ཁུངས་གསུམ་གྱིས་ཐེངས་འདིའི་ཚོགས་འདུ་འགན་སྒྲུབ་གནང་ཞིང་། ཚོགས་འདུའི་དུས་ཡུན་ཉིན་བཞིའི་ནང་ཡོངས་འཛིནAPPཔར་གཞི་གསར་པ་དང་། གཏག་ཐབས་གསར་བའི་ཁྱབ་སྒྲོག་ཚོགས་འདུ་བསྡུས་པ་མ་ཟད། བརྡ་ཆད་གསར་བའི་ཞིབ་བཤེར་གཏན་འབེབ་དང་། སྨྱན་སྦྱོར་མཐུན་སྦྱོར་ཉམས་མྱོང་བརྗེ་རེས་ཚོགས་འདུ། དེ་མིན། བོད་ཁུལ་གྱི་སྨྱན་སྦྱོར་པའི་སྡེ་མཚོ་ལྷོ་ཁུལ་གྱི་ཆེད་དོན་བཅའ་འདྲི་རུ་བསྐྱོད་པ་སོགས་བྱ་འགུལ་སྤེལ་བ་རེད།
སྨྱན་སྦྱོར་འཕེལ་རྒྱས།
ཐེངས་འདིའི་བྱ་འགུལ་ནི<<རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་བའི་གསར་འགྱུར་བརྩམ་ཆོས་ལེགས་གདམ་གྱི་བྱ་བ་བཟང་བོར་བསྒྲུབ་པའི་བརྡ་ཁྱབ>>ཀྱི་བླང་བྱ་ལྟར། ཚགས་པར་དང་རྒྱང་བསྒྲགས་བརྙན་འཕྲིན། དྲ་རྒྱ་བཅས་རིགས་ཆེན་པོ་གསུམ་ནས་འགྲན་ཞུགས་བརྩམ་ཆོས350དང་། བརྡ་ཆད་གསར་བ504། དུས་མཚུངས་སུ་མིང་ཚིག་རིང་ཐུང་འདྲེས་མ31། དྲ་ངོས་དངAPPཔར་ངོས193བཅས་འབྱོར་བའི་ནང་བོད་ཡིག་བརྡ་ཆད་གསར་པ82ཞིབ་བཤེར་གཏན་འཁེལ་བྱུང་།
གཡུར་དུ་ཟ་བའི་གྲུབ་འབྲས།
བཀྲ་ཤིས།
དཀར་མཛེས་ཁུལ་རྒྱང་བསྒྲགས་བརྙན་འཕྲིན་ཁང་གིས་གཤམ་གྱི་རྩོམ་ཆོས་འདི་དག་ལ་བྱ་དགའ་རག་འདུག་ཟེར།ཁྱེད་ཀྱིས་གོ་ཨེ་བྱུང་།
26分钟前
ལྷ་མོ། དོན་གྲུབ། བདེ་ལེགས།
དཔལ་མོ།：ངོ་མ་ཡག་པོ་རེད་ཡ།བསྡོམས་པའི་རྩོམ་ཆོས་ལྔ་ཁུར་སོང་བ་དེ་ལ་ཚང་མ་བྱ་དགའ་རག་ཡོད་ཟིག་ལེ།རྟེན་འབྲེལ་ཞུ།
དཀར་མཛེས་ཁུལ་རྒྱང་བསྒྲགས་བརྙན་འཕྲིན་ཁང་གིས་ཐེངས་འདིའི་ལེ་ཚན་དཔྱད་བསྡུར་ནང་གདམས་ཞུགས་བྱས་པའི་བརྙན་འཕྲིན་ལེ་ཚན་5དེ་ཚང་མ་ལ་རྒྱལ་ཡོངས་བོད་ཡིག་སྨྱན་སྦྱོར་གསར་འགྱུར་གྱི་བྱ་དགའ་ཐོབ་ཡོད་པ་རེད། དེ་ལས་ཨང་གཉིས་པ་བཞི་དང་གསུམ་པ་གཅིག་གི་འབྲས་བུ་བཟང་པོ་བླངས་ཡོད་པ་རེད།
ཐེངས་འདིར“སྨྱན་སྦྱོར་མཐུན་སྦྱོར་འཕེལ་རྒྱས་ལ་སྐུལ་འདེད་བཏང་ནས་སྨྱན་སྦྱོར་ཚང་མའི་བརྒྱུད་སྒྲོག་རྣམ་པ་གསར་འཛུགས་བྱེད”ཅེས་པ་བརྗོད་གཞི་རུ་བཟུང་ནས་སྟོབས་ཤུགས་གཅིག་སྒྲིལ་དང་མཐུན་སྒྲིལ་གྱི་ལག་ཟུང་དམ་པོར་སྦྲེལ་ནས་རྒྱལ་ཡོངས་བོད་ཡིག་སྨྱན་སྦྱོར་གྱི་རྣམ་པ་སྔར་ལས་ལྷག་པའི་གསར་བཏོད་དང་ཐོད་བརྒལ་འབྱུང་བར་ཚང་མས་མཉམ་གཅིག་ཏུ་བརྩོན་ལེན་བྱས་ན་དོན་སྙིང་ཆེན་པོ་ལྡན་པ་རེད།
གསར་འགོད་པ།འཇམ་དབྱངས་མཁྱེན་རབ།
རྩོམ་འགན་པ།དོན་འགྲུབ།ཆོས་གྲགས།
རྩོམ་སྒྲིག་པ།བློ་ཐུབ་བསྟན།
